Reading
Add Comment
Me shumë shpresë e me pak fat, Endemol nuk do të më hedhë në gjyq.
Ndoshta janë ethet e garës para-zgjedhore të
aleancave të para-deklaruara për zgjedhjet e pas-Majit, por mëndja zu’ të më
mendojë dilemën më të madhe të shqiptarëve. Që nuk është “Të jesh a të mos
jesh?”, por është “Si të bëjmë noi’ dorë Lekë?”.
E kështu po mendoja me veten, cilat janë mundësitë
reale që një ditë të bëhem multimiliarder duke ndejtur në shtëpi? Apo duke pirë
një kafe në ndonjë kafene lagjeje ...
Që Shqipëria është vendi i basteve të humbura,
nuk besoj se ka vend shumë për ta diskutuar. Humbëm bastet e pas 90ës; humbëm
bastet në 97ën; humbëm bastet e NATO-s (Anëtarësim llokum vs. Anëtarësim i
merituar) e tashmë po humbasim bastet e integrimit europian – në qofshin të
vlefshëm – që po fillojnë t’i masin me raunde, si një ndeshje boksi.
E kështu, duke qënë se Shqipëria është vendi i
probabiliteteve me risk të lartë, gjithë synimi është të kuantifikosh rastet,
në fund të fundit “për të kap’ noi’ lek’”. Në paç dyshime, mjafton të mendosh
që Nishani një ditë do të ishte president i Shqipërisë apo që Alketa Vejsiu nuk
do të ish’ “veçanërisht” bio/natyrale në vitin 2013.
Ideja ime gjeniale – e shpjeguar thjeshtë dhe
qartë – është që të kemi një sistem “Baste Taksi”. Në fund të fundit, sektori i
bastvënies është ndër të vetmit që nuk e ka ndjerë krizën financiare. Për më
tepër, formula magjike shumë e propaganduar “Risku i lartë = Fitimi i lartë” është
shumë joshës për të qënë thjesht një formulë.
* * *
Hapësirë
publicitare
“Baste Taksi” funskionon shumë thjeshtë. Falë një
sistemi inovativ përllogaritjeje, Basti është shansi juaj për tu bërë milionerë.
Mjafton vetëm një telefonatë nga shtëpia dhe punonjësi ynë do të vijë me
trinçinkël tek shtëpia jote. Luaj tani dhe bëhu i pasur. Të duhet vetëm pak logjikë,
shumë fat, të luash në mënyrë të përgjegjshme dhe të kuptosh se në fund të
fundit fitorja do të ishte “të dilje me të tuat” nga kjo histori.
Risitë më të fundit të “Baste Taksi”:
Ngjarja
|
Rezultati
|
||
Po
|
Jo
|
Ndoshta
|
|
Luan Zhegu tund vithet
|
(Po, do i tundë) 15.5
|
1.000001
|
1.1000005
|
Ilir Meta nuk e do
pushtetin
|
(Po, nuk e do) 0.0000001[1]
|
Tallesh?
|
1.00
|
Inis Gjoni (që e pastë fëmijën
me jetë) është e virgjër
|
(Po, është) 1.00
|
1.00
|
1.00
|
Nard Ndoka di të përdorë
celularin
|
(Po, di) Nardi Nardi
Nardi
|
Ndoka Nardi Nardi Ndoka
|
Çfarë duhet të shtyp?
Nardi jam
|
♪♪♪
Shqipëria po ndryshon ♪♪♪
|
Dhis iz ëj mirrakëll ov
fridëm!
|
||
* * *
Turbulencat e fundit (të pritura) politike janë
një stuhi magnetike e aftë të ndryshojë orientimin edhe për busullat më të
mira. E kështu, “s’e di pse”, kjo puna e basteve taksi çoç më duket e
tejkaluar. Leqë pas sloganeve “Mirëprit fatin tënd” dhe “Çdo gjë është e mundur”
të një kompanie të fuqishme, së cilës për hir të ruajtjes së anonimatit dua t’i
përmënd vetëm një pjesë të emrit – *otaria *ombëtare (shkurt L.K.) – duhet të
ofrosh diçka më shumë, në të kundërt për ata nuk vlen fareeee...
E kështu, e
ndava mëndjen, për të dytën herë. Gjenialiteti nuk më la në baltë as kësaj
here. Voilà!
“Ngjala
Taksi” – Sepse jeta është shumë e shkurtër!
Aleancat
politike të kanë lodhur? Ke kollë? Të hahet? Do edhe ti të jesh pjesë e qeverisë
së ardhshme?
Telefono tani!
Ngjela Ngjala jote po të pret! Nëse je ndër 10 telefonuesit e parë fiton edhe një
tenxhere me presion dhe një kaçavidë kryq.
#Rilindje #Përpara!
Për të mirën
e vendit.
0 komente:
Post a Comment