Reading
1 Comment
Në fakt, duke e
gjykuar në retrospektivë, krisja e madhe që u pasua me një thyerje të madhe, ka
ndodhur më parë. Nuk po them që në ’96, ku u premtua fushë me lule e na futën
gishtin një vit më vonë. Jo jo. Mendoj që ajo pika që boni namin, ishte Likja.
Iliri. Meta pra. Ai tipi që ishte me figurë dhe zë në një video (mos të
harrojmë edhe bllokun e shenjtë “Bakshishet sipas Metës”) ... e megjithatë,
Gjykata vendosi. Ai që është Meta, me zë e figurë, në fakt nuk është Meta.
Unë nuk di të
them se çfarë shijesh artistike kanë pasur gjykatësit e çështjes, por me
siguri, René Magritte duhet ta kenë pasur qejf shumë ... (http://upload.wikimedia.org/wikipedia/en/b/b9/MagrittePipe.jpg)
E do s’do, fillon
të kesh ca dyshime me veten. Ore, mos vallë unë (nuk) jam budalla? Se .. mendja
kokërr gruri thonë që është (për të përforcuar urtësinë kombëtare, jo se është
me vërte)... E megjithatë, prapë, ke një fije shprese e optimizmi brenda vetes
që në fakt nuk je budalla. Ndoshta ai ishte me të vërtetë Meta ... ndoshta.
E provova. Për
shumë kohë e provova. Të jesh optimist... nuk e ke idenë sa bukur që ishte. U
zgjova, pashë veten në pasqyrë dhe i thashë: “Ti sot je optimist!”. Gjërat
kishin ndryshuar, Meta nuk ishte Meta, Berisha (ai që kishte dhe ka fajin për çdo
gjë) nuk ishte më. Basha bënte sikur ishte Berisha dhe Majlinda Bregu vazhdonte
të ndjehej se ishte Ministre e Shampos dhe e Flokëve. Çfarë mund të shkonte
keq?
Ditë e bukur, me
diell. “Po bëj një xhiro me makinë” i thashë vetes.
E di çke? Më mirë!
Më mirë që është rritur, kështu që do eci me këmbë. Të mban në formë, Sazan
Guri do jetë i lumtur se nuk do dëmtoj ambientin ... plus edhe me parkimet nuk është
se është kaq e thjeshtë ...
Po bëj një dush të
shpejtë dhe po i bëj një telefon Redit, shokut tim, të dalim për qejf nëpër
Tiranë...
Po kujt po i bëhet
vonë po hë! Nuk po e bëj fare një dush, madje madje, po dal vetëm, që të shijoj
ca Tiranën
http://www.tirana.gov.al/sq/Cilesia-e-ajrit-ne-Tirane
- Kemi thyer çdo rekord!
http://www.mapo.al/2015/05/ndotja-akustike-ne-tirane-ne-nivel-kritik-ja-zonat-me-te-prekura
- 80% më shumë se sa norma e lejuar ... – Ndoshta për shkak të rritjes
pesë-shifrore ekonomike të shënuar nga kjo qeveri, të gjithë kanë blerë një
makinë dhe një bori të re, që e përdorin vend e pa vend, thjesht sa për t’i
nxjerrë qejfin e diçkaje të sapo-blerë ...
E di çke? Po rri
fare në shtëpi më mirë!
http://gazetastart.com/paketa-fiskale-2016-taksa-mbi-pronen-dhe-tvsh-ne-banesat-e-reja/
- 20% më shumë mbi çmimin e banesave ...
Pra, uji më
shtrenjtë, telefoni më shtrenjtë, nafta më shtrenjtë, shtëpia më shtrenjtë ...
pse mos të vras veten më mirë?
https://www.youtube.com/watch?v=1BWqEZGH5TE
– 4-10 pensione mujore për vdekjen tënde ...
Nuk e di dmth ...
Megjithatë, unë
jam optimist!
* * *
Femrat, socialistët dhe trapi
Bazuar në
Facebook-un tim, që nuk është se është ndonjë studim shumë rigoroz (por kush
e ka bërë ndonjëherë ndonjë studim rigoroz këtu në Shqipëri), ka një
paralele të hollë që mund të hiqet mes femrave dhe socialistëve.. të dyja palët
nuk e dinë ça duan nga vetja ...
Kujtojmë, për
socialistët, prej periudhës 2005 – 2013, nëse i pyesje “Me kë parti je?”, përgjigja
ishte standarde: “Jo jo, unë nuk merrem me politikë. Unë jam me popullin.”. Pas
21 Qershor 2013, përgjigja ndryshoi në: “Ju dhamë 1’000’000 shuplaka ju dhe
shpellarëve të Salës”. Nuk po them që kjo është koherencë politike, por ...
E mund të dërdëllis
gjërë e gjatë për këtë fenomen, për shembull për Erin (të cilit do i dedikoj më
pas një paragraf vetëm për të!) që në 2005 pështynte PS-në e sot është kandidat
i PS-së; për Ramën që po prish me INUK-un ato shtesa që vetë i legalizoi gjatë
qëndrimit në bashki; për Blushin, që kur nuk flet kundër PS-së është rob’ zoti,
por kur del kundër parisë është një matrapaz politik, qelbësirë, madje madje i
blerë nga Berisha (që mos të harrojmë, përveç se ishte dhe është fajtor për çdo
gjë në Shqipëri, gjithashtu ka gisht në çdo pisllëk që ndodh në mëmëdhe); për
Tomën që ishte çelësi i fitores historike në Shkodër e tashmë është veç një vegël
e Birishës ...
Se, përtej të
gjithave, këta politikanët tanë, bëhen të fortë kur i prek, e janë të qullët
kur nuk i intereson gjë ... e gjëja e parë që mua më vete në mëndje është pikërisht
trapi (Jo ai që i plas Çilit) ... që në fund, e hamë unë e ti si qytetarë të ndershëm që paguajmë
taksat ...
* * *
Kë të marr e kë të lë? Natën gjumi nuk më zë ...
Siç e deklarova në
fillim – jo si Gjin Gjoni, Tom Doshi apo Andis Harasani pasurinë – këto
zgjedhjet nuk ma kanë ngrefur fare. Po fare fare.
Siç do të thoshte
Ahmet Shqarri, nga njëra anë e ringut qëndron sfidanti Halim “Kam parë gjëra qëju njerëzit nuk mund t’i besoni” (Blade Runner - 1982) Kosova dhe nga ana tjetër, Erion “Kam shitur fiq tePazari i Ri” “Moma ime është bose”
Veliaj.
Çuditërisht, ose
ndoshta fatmirësisht, asnjë nga të dy nuk ma ngref. Po fare fare. Edhe pse jam
optimist. Jo për ngrefjen, por që do të bëjnë ndonjë gjë të mirë për Tiranën
dhe për njerëzit që jetojnë në të. Nuk e di pse, jam i bindur që pasi të na
puthin duart e të na bëjnë të mendojmë që jemi me të vërtetë të rëndësishëm për
ta, të na fusin gishtin. Që në fakt, është e vetmja gje që na ka ngelur...
konsiderohet optimizëm ky?
Siç e premtova,
ky paragraf është vetëm për të, njëshin, figurën, të madhin, të
pakrahasueshmin, atë që nuk bën kompromise, ai që nuk ka turp për të kaluarën e
tij, atij që është i varfër si të gjithë ne ... Erin. Er Veliajn dmth. Një
shprehje, që rastësisht ma zuri syri në një njoftim tek Balkanweb, që për
mendimin tim, përmbledh të gjithë esencën e këtij vendi ku jetojmë: “Tirana
është i vetmi qytet ku llumi shkon sipër, ndërsa paria shkon poshtë.”. Dhe kjo
e thënë nga dikush që është sipër, aty, mes kastës së sipërme që ne, paria e
poshtme e votojmë … e kjo, shkon përtej Ps-së, PD-së, LSI-së e më gjërë…
* * *
Miku im! Ç’po të
plas trapi për zgjedhjet, për Erionin apo për Halimin? Po ta them hapur, futu në
ndonjë tender, vidh diçka, merr ndonjë gjë nga buxheti i shtetit, pi “një kafe”
me atë që do t’i japësh një vënd pune pa lidhje me fushën akademike të
kandidatit ... bonus nëse e ke shtëpinë në kat të dytë me oxhak ...
E megjithatë, unë
jam optimist, se gjërat do të ndryshojnë!
Fitore! - ak
, këto janë zgjedhjet e para ku unë nuk jam i angazhuar emotivisht. Më pa...){kind=link}
1 komente
Ti ke humbur kot per komedian, o cun!!
ReplyDelete